Monday, February 18, 2013

കേരള വനിത

 നീതിപാലകര്‍ , രാഷ്ട്ര നായകര്‍ ,പിന്നെ
മൂല്യ ശിക്ഷകര്‍ ദൈവത്തിന്‍ ദൂതന്മാര്‍
മത്സരിചീടുന്നു സ്ത്രീയെ തരാം താഴ്ത്താന്‍
പുരുഷന്റെ തെറ്റുകള്‍ മൂടി വെചീടുവാന്‍

കപട സദാചാര കണ്ണാടിയാല്‍ ജനം
പെണ്ണിന്‍റെ ചെയ്തിയെ തെറ്റെന്നു കാണുന്നു
മതവും , പുരാണ ഗ്രന്ഥഅങ്ങളും പോരാഞ്ഞു
ശാസ്ത്രത്തെയും വളച്ചൊടിചീടുന്നു

 ആകാശ-ബഹിരകാശത്തിന്‍  ഉയരങ്ങള്‍
പുരുഷനൊപ്പം കടന്നെതും വനിതയെ
അബലയായ്  വീട്ടിന്ടെ  കോണില്‍ തളച്ചീടാന്‍
വെമ്പല്‍ കൊള്ളൂ ന്നതെന്തിനീ അധമന്മാര്‍

കാമാര്‍ത്തരാം   മൃഗങ്ങള്‍ പതിയിരിക്കുന്നൊരു
നഗര വനത്തില്‍ വസിക്കും  മാന്‍ പേടയെ
ക്രൂരമായി വേട്ടയാടി ഭക്ഷിച്ചു രസിച്ചിട്ടു
ഒളിക്കാന്‍ കഴിയാത്തോളെ  പഴിക്കുന്നതോ ശരി ?

പണ്ടൊരു പര പുരുഷ ദൃഷ്ടി ദോഷം പെട്ട
പെണ്ണിന്‍ രക്തക്കറ  പുരണ്ടൊരു പരശുവിന്‍
വരദാനമാം മണ്ണില്‍ പെണ്ണായി പിറന്നോള്‍ക്ക്
നീതി കൊടുക്കുവാന്‍ നൂറ്റാണ്ടുകള്‍ക്കാകുമോ ?

4 comments:

  1. you hit the nail on the head.. good one

    ReplyDelete
  2. ഇത് ഫെസ്ബുകില്‍ പോസ്റ്റ്‌ ചെയ്തില്ലായിരുന്നോ?

    പ്രദീപ്‌

    ReplyDelete
  3. Post cheythirunnu.. Some days back.. :)

    ReplyDelete